Պակիստանի նախկին նախագահը դատապարտվել է մահվան
Իսլամաբադում գործող հատուկ դատարանն այսօր մահվան է դատապարտել երկրի նախկին բռնապետ Փերվեզ Մուշարաֆին` նրան մեղավոր ճանաչելով պաշտոնավարման վերջին ամիսներին երկրի սահմանադրական կարգը տապալելուն ուղղված գործողություններ ձեռնարկելու համար: Դատարանի համոզմամբ՝ Պակիստանի նախկին ղեկավարի այս գործողությունները հավասարազոր էին պետական դավաճանության:
Մեղադրական եզրակացության համաձայն՝ Մուշարաֆը 2007 թվականի նոյեմբերին սառեցրել էր Պակիստանի Սահմանադրության գործողությունը` երկրում արտակարգ դրություն հայտարարելով:
Դատավճիռը կայացվել է հեռակա կարգով, քանի որ Մուշարաֆը 2008 թվականից ի վեր բնակվում է Արաբական Միացյալ Էմիրություններում` Դուբայում:
Փերվեզ Մուշարաֆը իշխանության էր եկել 1999 թվականին` ռազմական հեղաշրջման արդյունքում: Պակիստանի բանակը Մուշարաֆի գլխավորությամբ տապալել էր Նավազ Շարիֆի՝ ընտրությունների արդյունքում ձևավորված կառավարությունը:
Մուշարաֆի կողմնակիցներն այսօր հավաքվել էին դատարանի շենքի մոտ` բողոքելով կայացված դատավճռի դեմ:
«Մուշարաֆն այդ ժամանակ Պակիստանի նախագահն էր և օգտվում էր անձեռնմխելիության իրավունքից», - հայտարարում էր նախկին նախագահի կողմնակիցներից մեկը:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց