ԱՄՆ-ի Ներկայացուցիչների պալատը հաջորդ շաբաթ կհաստատի Թրամփի դեմ մեղադրանքները իմփիչմենթի շրջանակում. Շիֆ
ԱՄՆ-ի Կոնգրեսի Ներքին պալատը հաջորդ շաբաթ կհավաքի անհրաժեշտ մեծամասնությունը եւ կհաստատի մեղադրանքների երկու հոդված, որոնք առաջադրվել են երկրի նախագահ Դոնալդ Թրամփի նկատմամբ իմփիչմենթի գործընթացի շրջանակում: Դրանում վստահություն է հայտնել իմփիչմենթի գործընթացի կազմակերպիչներից մեկը՝ Կոնգրեսի Ներկայացուցիչների պալատի՝ հետախուզության հարցով հատուկ հանձնաժողովի նախագահ Ադամ Շիֆը կիրակի ABC հեռուստաընկերության եթերում, հաղորդում է ՏԱՍՍ-ը:
ԱՄՆ-ի Կոնգրեսի Ներկայացուցիչների պալատի իրավաբանական կոմիտեն ուրբաթ հաստատել է իմփիչմենթի շրջանակում Թրամփին ուղղված մեղադրանքների երկու հոդվածները: Դեմոկրատական կուսակցության ներկայացուցիչները մեղադրում են ամերիկյան վարչակազմի ներկայիս ղեկավարին իշխանությունը չարաշահելու եւ Կոնգրեսի հետաքննությանը խոչընդոտելու մեջ: Մեղադրական հոդվածներն այժմ պետք է դիտարկվեն հաջորդ շաբաթ ամբողջ կազմով պալատի կողմից:
Շիֆին հարց էր տրվել՝ վստահ է արդյոք նա, որ Ներկայացուցիչների պալատում քվեարկության ժամանակ դեմոկրատներին կհաջողվի հաղթահարել հանրապետականների դիմադրությունն ու հավաքել ձայների մեծամասնությունը: «Ես վստահ եմ դրանում»,-պատասխանել է Շիֆը: «Իրականում գլխավոր հարցն այն է, թե ինչու հանրապետականները չեն կատարում իրենց սահմանադրական պարտքը: Որովհետեւ հանրապետականները փորձում են օրենքից վեր դասել նախագահին [Թրամփին]»,-շարունակել է դեմոկրատը:
Նա հավաստիացրել է, որ առանց տատանվելու իմփիչմենթի կենթարկեր ԱՄՆ-ի 44-ամյա նախագահ Բարաք Օբամային, եթե վերջինս այնպիսի խախումներ թույլ տար, ինչպես Թրամփը: «Եթե դա լիներ Բարաք Օբաման, ես կհայտարարեի նրա նկատմամբ իմփիչմենթ»,-ասել է Շիֆը:
Ներկայացուցիչների պալատի կողմից հաստատվելու դեպքում մեղադրական եզրակացությունը կփոխանցվի Կոնգրեսի Սենատ, որտեղ գործընթացը կվերածվի դատավարության:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Մենք ուզում ենք, որ դուք օր առաջ տնավորվեք ՀՀ-ում
Ամբերդ ամրոց և Քարի լիճ տանող ավտոճանապարհները փակ են
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...