Ժիրուն մոտ է Ինտերի հետ համաձայնությանը

Լոնդոնի «Չելսիի» հարձակվող Օլիվյե Ժիրուն ձմռանը կարող է փոխել ակումբը: 33-ամյա ֆրանսիացին մոտ է Միլանի «Ինտերի» հետ համաձայնության գալուն, հայտնում է L’Equipe-ը:

Երբ Ժիրուն «Ինտերի» հետ համաձայնեցնի անձնական պայմանագրի պայմանները, միլանյան ակումբը «Չելսիի» հետ համաձայնության կգա տրանսֆերի արժեքի վերաբերյալ: Սպասվում է, որ լոնդոնցիները մեծ հրաժարագին չեն պահանջի հարձակվողի համար:

Օլիվյեն 2018 թվականի հունվարից է հանդես գալիս «Չելսիում»: Նրա գործող պայմանագիրը լոնդոնյան թիմի հետ նախատեսված է մինչև 2020 թվականի հունիսի 30-ը: Ընթացիկ մրցաշրջանում Ժիրուն ակումբային մակարդակում բոլոր մրցաշարերում անցկացրած 7 խաղում դարձել է 1 գոլի հեղինակ:

«Ինտերը» գլխավորում է Ա Սերիայի մրցաշարային աղյուսակը, իսկ «Չելսին» 4-րդն է ԱՊԼ-ում: