Time հանդեսը տարվա մարդ ճանաչեց 16-ամյա ակտիվիստ Գրետա Թունբերգին
Շվեդ ակտիվիստը ամենաերիտասարդն է բոլոր այն գործիչների շարքում, որոնց Time-ը տարվա մարդ է ճանաչել: Նա մեծ ճանաչում է ստացել զանգվածային ակցիաներ կազմակերպելով, իր ելույթներով աշխարհի առաջնորդներին կոչ անելով ուշադրության տակ պահել կլիմայի փոփոխության խնդիրները:
Դպրոցական ակտիվիստի կոչով Շվեդիայում նախ դպրոցականները ուրբաթ օրերին սկսեցին դասերի փոխարեն բնապահպանական ակցիաներ անցկացնել, իսկ հիմա աշխարհի տասնյակ երկրներում ուրբաթ օրերին ակցիաներ են տեղի ունենում կլիմայի փոփոխության դեմ պայքարելու կոչով:
Time-ը նշում է, որ նրան հաջողվել է երկրագնդի մասին մտահոգությունները վերածել կլիմայի փոփոխության դեմ պայքարի համաշխարհային շարժման:
Անցած սեպտեմբերին ելույթ ունենալով ՄԱԿ-ի կլիմայի խնդիրներով համաժողովում, Գրետա Թունբերգը քաղաքական գործիչներին մեղադրել է ապագա սերունդների բարեկեցությունն անտեսելու մեջ:
Աշխարհի ղեկավարների շարքում Գրետա Թունբերգի գործունեությունը պաշտպանողներ, ինչպես նաև քննադատողներ կան: Նրան քննադատողների թվում են ԱՄՆ-ի, Ռուսաստանի, Բրազիլիայի նախագահները:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին