Կինը խմելու է գնացել անծանոթ տղամարդու հետ՝ երեխային մոռանալով կայարանում
Ռուսաստանի Դաշնության Ուսուրիյսկ քաղաքում կինն իր 5-ամյա որդուն թողել է կայարանում, որպեզի անծանոթ տղամարդու հետ խմելու գնա: Այս մասին РИА Новости գործակալությանը տեղեկացրել են ՌԴ ներքին գործերի նախարարության տրանսպորտի վարչության մամուլի ծառայությունից:
Հնգամյա տղային կայարանում են գտել հերթապահություն իրականացնող ոստիկանները: Երեխան ոստիկաններին պատմել է, որ մայրն իրեն թողել է կայարանում ու գնացել անհայտ ուղղությամբ: Անչափահասների գործերով զբաղվող քննիչները, ոստիկանության մայոր Աննա Մինաևան և ոստիկանության մայոր Ալեքսանդր Խոմլյուկը կարճ ժամանակում կարողացել են գտնել երեխայի մորը: Նրան գտել են կայարանից ոչ հեռու՝ հարբած:
Կնոջ խոսքով՝ ինքը 5-ամյա որդու հետ Վլադիվոստոկից գնում էր Բանևուրովո (գյուղ Ուսուրիյսկի մոտակայքում), սակայն անուշադրության պատճառով բաց է թողել կանգառը և իջել Ուսուրիյսկում: Այստեղ նա հանդիպել է մի տղամարդու, ով նրան առաջարկել է խմել «ծանոթության համար»:
«Անչափահասի ծնողի նկատմամբ արձանագրություն է կազմվել՝ Ռուսաստանի Դաշնության վարչական իրավախախտումների վերաբերյալ օրենսգրքի «Ծնողական դաստիարակության պարտականությունների ոչ պատշաճ կատարման» հոդվածով»,-նշել է ՌԴ ներքին գործերի նախարարության տրանսպորտի վարչության մամուլի ծառայության ներկայացուցիչը:
Նա ավելացրել է նաև, որ քննիչները պրոֆիլակտիկ զրույց են ունեցել երեխայի հետ: Հինգամյա երեխայի կյանքն ու առողջությունը պաշտպանելու համար ոստիկանությունը որոշել է տղային ուղարկել «Ուսուրիյսկի անչափահասների սոցիալական վերականգնողական կենտրոն»:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին