Հայտնի են դարձել Ռուսաստանի ամենահարբեցող շրջանները

ՌԴ-ի ամենահարբեցող շրջանները 2019-ի տվյալներով դարձել են Պրիմորյեի երկրամասը, Չուկոտկան եւ Նենեցական  ինքնավար շրջանը: Այս մասին հայտնում է «Սթափ Ռուսաստան» կազմակերպությունը:

Կազմակերպության կազմած ցուցակը գլխավորում են Չեչնիան, Ինգուշիան եւ Դաղստանը, ոևոնք դարձել են երկրի ամենասթափ շրջանները: Մոսկվան գտնվում է 8-րդ հորիզոնականում, իսկ Սանկտ Պետերբուրգը՝ 14-րդում:

Վարկանիշային աղյուսակը կազմելուց հաշվի են առնվել այնպիսի ցացանիշներ, ինչպիսիք են՝ ալկոհոլային թունավորումներից մահացածների, ալկոհոլիզմով տառապողների եւ ալկոհոլի ազդեցության տակ արված հանցագործությունների թիվը, ինչպես նաեւ ալկոհոլային արտադրանքի վաճառքի ծավալը:

Հաշվի են առնվել նաեւ էթիլային սպիրտի եւ ալկոհոլային արտադրանքի արտադրության եւ շրջանառության հետ կապված իրավախախտումները, ինչպես նաեւ շրջանի հակաալկոհոլային օրենսդրության խստության ուժը: 

Top-News.am