United Airlines-ի չվերթի ժամանակ կարիճը խայթել է ուղևորին

United Airlines ավիաընկերության չվերթներից մեկի ժամանակ կարիճը խայթել է ուղևորներից մեկին: Միջադեպը տեղի է ունեցել Սան Ֆրանցիսկո-Ատլանտա չվերթի ժամանակ:

Ինչպես հայտնում է independent.co.uk-ը, կինը պատմել է, որ ինքնաթիռի՝ օդ բարձրանալուց որոշ ժամանակ անց սկսել է ցավ զգալ սրունքի հատվածում:

Երբ նա զուգարան է գնացել ցավի պատճառը հասկանալու համար, կարիճն ընկել է նրա տաբատից ու փախել: Ավելի ուշ կենդանուն բռնել են ու տուփի մեջ դրել:

Վայրէջքից հետո կնոջը հոսպիտալացրել են: