«Յուվենտուս»-ը տևական ժամանակով կորցրեց իր ֆուտբոլիստին

Հայտնի է դարձել «Յուվենտուսի» կիսապաշտպան Ռոդրիգո Բենտանկուրի ստացած վնասվածքի լրջության աստիճանը:

Ֆուտբոլիստը վնասել է ծնկի խաչաձև կապանները «Լացիոյի» դեմ խաղում: Ֆուտբոլիստը տվյալ խաղում փոխարինվեց 22-րդ րոպեին՝ մինչ այդ հասցնելով դառնալ գոլային փոխանցման հեղինակ, իսկ «Յուվեն» 1-2 հաշվով պարտվեց:

Ֆուտբոլիստի վերականգնման կոնկրետ ժամկետ չի նշվում: Ուրուգվայցին Իտալիայի ընթացիկ առաջնությունում անցկացրած 12 խաղում կատարել է 4 գոլային փոխանցում: