Աշխարհի տարբեր երկրներում հազարավոր մարդիկ գիշերել են փողոցում՝ ի աջակցություն անօթևանների (լուսանկարներ)

Անցած գիշեր աշխարհի տարբեր քաղաքներում անցկացվել է The World's Big Sleep Out ակցիան, որի շրջանակում հազարավոր մարդիկ գիշերել են փողոցներում՝ այդպիսով իրենց աջակցությունը հայտնելով անօթևաններին, հայտնում է bbc.com-ը:

Մասնակիցները մտադիր են գումար հավաքել անօթևանների խնդրի լուծմանն աջակցելու նպատակով, ինչպես նաև համաշխարհային առաջնորդների ուշադրությունը հրավիրել այս կարևոր խնդրին:

Կանխատեսվում էր, որ ակցիային պետք է մասնակցեր մոտ 50 000 մարդ: Ակտիվիստները նպատակ ունեին 50 մլն դոլար հավաքել անօթևանների համար:

Ակցիան անցկացվել է Լոնդոնում, Էդինբուրգում, Քարդիֆում, Նյու Յորքում, Բրիսբենում, Դուբլինում և այլ քաղաքներում:

Հատկանշական է, որ ակցիային մասնակցել են նաև հայտնիներ, այդ թվում՝ դերասանուհի Հելեն Միրենը: