Կինն ամուսնու և սիրեկանի միջև մահացու մենամարտ է կազմակերպել` ողջ մնացողին ընդունելու պայմանով

Լոնդոնի բնակչուհի 35-ամյա Աստա Յուսկաուսենն ամուսնուն և սիրեկանին ստիպել է կռվել` ողջ մնացողին իր հետ մնալու և ապրելու պայմանով: Այս մասին հայտնում է Metro-ն:

Նա ամուսնացած էր 42-ամյա Գիդրիուս Յուսկաուսկայի հետ, սակայն հանդիպում էր 25-ամյա Մանթաս Կվեդերասի հետ, որը նախկինում գտնվել է Լիտվայի բանտերից մեկում: Գիդրիասը չէր ցանկանում բաժանվել կնոջից, նրանք շարունակում էին ինտիմ կյանքով ապրել:

Կինը որոշել է մենամարտ կազմակերպել, որպեսզի որոշի, թե ով կմնա իր հետ, քանի որ տղամարդկանցից ոչ մեկ չէր ցանկանում մյուսին զիջել սիրելիին: Տղամարդիկ պայմանավորվել էին, իսկ հաջորդ օրը Գիդրիասին մահացած էին գտել: Նրա մարմնի վրա հայտնաբերել էին դանակի 35 հարված:

Դատախազ Հյու Դևիի խոսքով` կինը նախապես գիտեր, որ Կվեդերասը մտադրված է լուրջ վնասվածքներ հասցնել ամուսնուն, և նա դա խրախուսել էր: Սպանությունից հետո կինը նրան ընդունել է իր տուն, նրա հետ միասին ջնջել հեռախոսի նամակագրություններն ու ոստիկանություն զանգահարել: Աստան հերքում է, որ սպանությունը պլանավորված էր: