Պակիստանի գեղեցկության մրցույթի հաղթողն ավտովթարի զոհ է դարձել

«Միսս Պակիստան-2012»-ի տիտղոսակիր, «Միսս Երկիր» գեղեցկության մրցույթի մասնակից 32-ամյա Զանիբ Նավիդն ավտովթարի զոհ է դարձել: Այս մասին հայտնում է New York Post-ը:

Դեպքը պատահել է ԱՄՆ-ում: Նավիդն ինքն է եղել իր Mercedes CL2 ավտոմեքենայի ղեկին: Նա կեսգիշերին ավտոճանապարհով գնալիս շրջադարձի ժամանակ չի կարողացել կառավարել մեքենան: Արդյունքում` ավտոմեքենան բախվել է ճանապարհի ցանկապատին, շրջվել է և դուրս եկել հանդիպակաց գոտի:

Կինը դուրս է շպրտվել մեքենայից և տեղում մահացել է: Փորձաքննությունը նրա արյան մեջ ալկոհոլի պարունակություն չի հայտնաբերել: