Ֆրանսիայում աննախադեպ ցույցեր և գործադուլներ

Ֆրանսիայում շարունակվում են բողոքի ակցիաները և գործադուլները: Հանրությունը պահանջում է չեղարկել կառավարության առաջարկած կենսաթոշակի բարեփոխումը:

Գործադուլ են հայտարարել տրանսպորտի, բուժհիմնարկների, կրթական հաստատությունների և հանրային ու մասնավոր այլ սեկտորների աշխատակիցները:

Երեկ Ֆրանսիայի շորջ 30 քաղաքներում երթերին և ցույցերին մասնակցել է ընդհանուր հաշվով ավելի քան 800 հազար մարդ: Տեղի են ունեցել ընդհարումներ ոստիկանների հետ: Իրավապահներն արցունքաբեր գազ և ջրցան մեքենաներ են կիրառել, կան բազմաթիվ ձերբակալվածներ:

Նախագահ Էմանյուել Մկարոնի կառավարությունը մտադիրր է պարզեցնել կենսաթոշակների համակարգը, որը ներկայիս դրությամբ կազմված է ավելի քան 40 տարբեր ծրագրերից:

Մինչդեռ, արհմիությունները ենթադրում են, որ բարեփոխման արդյունքում աշխատողները սահմանված 62 տարեկանից ավելի ուշ և ավելի քիչ փողով կանցնեն թոշակի:

Վարչապետ Էդուարդ Ֆիլիպը պետք է դեկտեմբերի 12-ին հրապարակի բարեփոխման փաթեթը: