ԱՄՆ-ն ընդլայնել է Ռուսաստանի դեմ սահմանված պատժամիջոցները

ԱՄՆ ֆինանսների նախարարությունը պատժամիջոցներ է սահմանել ռուսական ընկերությունների և ֆիզիկական անձանց նկատմամբ, որոնք գերատեսչության կարծիքով, առնչություն ունեն կիբերհանցագործությունների հետ:

«ԱՄՆ ֆիննախի արտասահմանյան ակտիվների վերահսկման վարչությունը միջոցներ է ընդունել Evil Corp ռուսական ընկերության դեմ, որը պատասխանատու է Dridex վիրուսային ծրագրի մշակման և տարածման համար», - РИА Новости-ի փոխանցմամբ՝ ասվում է գերատեսչության հաղորդագրության մեջ:

Բացի այդ, ամերիկյան նախարարությունից հավելել են, որ «այսօրվա գործողություններն ուղղված են 17 ֆիզիկական անձանց և 7 կազմակերպությունների դեմ, որոնց թվում է Evil Corp-ը»:

Հաղորդվում է նաև, որ համակարգչային հանցահենության և բանկային խարդախության մեղադրանքներ են առաջադրվել ՌԴ քաղաքացի Մաքսիմ Յակուբեցի նկատմամբ: