ՆԱՏՕ-ն չի ցանկանում Պեկինից թշնամի սարքել. Ստոլտենբերգ
ՆԱՏՕ-ն չի ցանկանում Պեկինից թշնամի սարքել: Այս մասին CNBC-ին տված հարցազրույցում ասել է ՆԱՏՕ-ի գլխավոր քարտուղար Յենս Ստոլտենբերգը:
«Չինաստանի աճող ուժը փոխում է ուժերի գլոբալ հավասարակշռությունը, իսկ Չինաստանի տնտեսական, ռազմական աճը որոշ հնարավորություններ, սակայն, միեւնույն ժամանակ, լուրջ խնդիրներ է ստեղծում»,- ասել է նա: Նրա խոսքով՝ ՆԱՏՕ-ն ներգրավված չէ այնպիսի խնդիրներին, ինչպիսին է վիճելի Հարավչինական ծովը, սակայն Չինաստանը մասնակցում է Եվրոպային ավելի մոտ տնտեսական եւ ռազմական ծրագրերին:
«Մենք նրանց տեսնում ենք Աֆրիկայում, Արկտիկայում, կիբերտարածքում: Չինաստանն այժմ աշխարհում մեծությամբ երկրորդ ռազմական բյուջեն ունի: Իհարկե, դա որոշ հետեւանքներ ունի ՆԱՏՕ-ի համար»,- հավելել է նա:
Ստոլտենբերգը նշել է, որ վերջին շրջանում Չինաստանը «բազմաթիվ նոր ժամանակակից ռազմական հնարավորություններ է ցուցադրել, ներառյալ՝ միջմայրցամաքային մեծ հեռահարության հրթիռներ, որոնք կարող են հասնել Եվրոպային եւ Հյուսիսային Ամերիկային»:
ՆԱՏՕ-ի գլխավոր քարտուղարը պնդել է, որ ռազմական դաշինքը չի ցանկանում «նոր հակառակորդներ ստեղծել»՝ նշելով, որ «քանի դեռ ՆԱՏՕ-ի դաշնակիցները միասնական են, նրանք ուժեղ են եւ անվտանգության մեջ»: «Մենք, անկասկած, աշխարհում ամենաուժեղ ռազմական ուժն ենք»,- նշել է նա:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց