Մոնբլանի գագաթին իտալացի լեռնադահուկորդները մնացել են ձնակույտի տակ

Ալպերում` Մոնբլանի գագաթին, երկու լեռնադահուկորդներ մնացել են ձնակույտի տակ: Նշվում է, որ 28-ամյա Էդոարդո Կամարդելլան և 32-ամյա Լուկա Մարտինին չեն լսել մյուս դահուկորդի հորդորները` մոտեցող տարերային աղետի մասին:

Ինչպես հաղորդում է The Mirror-ը, նրանք սահել են ծովի մակերևույթից 3000 մետր բարձրության վրա` Մոնբլանի իտալական կողմում: Ձնակույտը հասել է լեռնադահուկորդներին, երբ նրանք գտնվել են Պունտա Հելբրոններ կայանից 500 մետր ցածր:

Նշվում է, որ դեպքի վայրում աշխատում են փրկարարները` շների հետ միասին: Որոնողական աշխատանքներին ներգրավված է նաև ուղղաթիռ: Նշվում է նաև, որ լեռնադահուկորդները չեն փրկվել: