Թուրքիայի ԱԳ նախարարը Մակրոնին մեղադրել է ահաբեկչության հովանավորության մեջ
Թուրքիայի ԱԳՆ ղեկավար Մեւլութ Չավուշօղլուն հերքել է Ֆրանսիայի նախագահ Էմանուել Մակրոնի քննադատությունը՝ կապված Սիրիայում քուրդ գրոհայինների հանդեպ Անկարայի գործողությունների հետ՝ հայտարարելով, որ ֆրանսիական առաջնորդը հովանավորում է ահաբեկչությունը, հայտնում է Reuters-ը։
«Նա արդեն ահաբեկչական կազմակերպության հովանավոր է եւ անընդհատ նրանց ընդունում է Ելիսեյան պալատում։ Եթե նա ասում է, որ իր դաշնակիցը ահաբեկչական կազմակերպությունն է․․․ իսկապես այլեւս ոչնչի մասին չարժի խոսել»,- Չավուշօղլուի խոսքերն է մեջբերել գործակալությունը։
Ինչպես նշում է լրատվամիջոցը, մեկ ամիս առաջ Մակրոնը հանդիպել է «Սիրիական դեմոկրատական ուժերի» ներկայացուցիչ Ջիխեյն Ահմեդի հետ։ Այս կազմակերպությունը քուրդ գրոհայինների «Ազգային ինքնապաշտպանության ջոկատների» մասն է։
Հայտնում են, որ Մակրոնը համերաշխություն է հայտնել Ահմեդին՝ Սիրիայում «Իսլամական պետության» դեմ քրդերի պայքարում։
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին