11-ամյա «Ռապունցելը» հայտնվել է Ռուսաստանի գինեսի ռեկորդների գրքում

Ռուսաստանի ամենաերկար մազեր ունեցող աղջիկը 11-ամյա Զլատա Նիկոլաևան է դարձել, որն էլ գրանցվել է Ռուսաստանի գինեսի ռեկորդների գրքում: Աստրախանում բնակվող աղջնակի մազերի երկարությունը 142 սմ է: Այս մասին հայտնում է Zvezda հեռուստաընկերությունը:

Նիկոլաևան այս ցուցանիշով շրջանցել է իր հասակակից Լադա Գորդեևային, որի մազերի երկարությունը 133 սմ է: Նշվում է, որ Զլատայի ռեկորդը գերազանցելու համար հարկավոր է մազերի երկարությունը հասցնել 147 սմ-ի:

Զլատայի քույրը` Դինարան, պատմել է, որ նման «հարստության» խնամքը շատ բարդ է, ուստի քույրիկին մշտապես օգնում են մազերը լվանալիս: Նա նաև պատմել է, որ Զլատան շատ է սիրում հյուսել մազերը: