Պուտինը մեկնել է Բիշքեկ՝ մասնակցելու ՀԱՊԿ երկրների ղեկավարների նիստին
Ռուսաստանի նախագահ Վլադիմիր Պուտինը մեկնել է Բիշքեկ, որտեղ Հավաքական անվտանգության պայմանագրի կազմակերպության (ՀԱՊԿ) երկրների ղեկավարների հետ համատեղ կքննարկի միջազգային եւ տարածաշրջանային անվտանգությունը, տեղեկացնում է ՌԻԱ «Նովոստի»-ն։
Օդանավակայանում Պուտինին դիմավորել է Ղրղզստանի նախագահ Սոորոնբայ Ժեենբեկովը։
Ավելի վաղ տեղեկացվել էր, որ օրակարգում տաջիկա-աֆղանական սահմանի ամրապնդման, ՄԱԿ-ի հետ գլոբալ հակաահաբեկչական ռազմավարության իրականացման ոլորտում փոխգործակցության եւ ՀԱՊԿ երկրների արտաքին քաղաքական գործունեության համակարգման հարցերն են։ Մասնակիցները կքննարկեն նաեւ կազմակերպության ռազմական պոտենցիալի զարգացման եւ մարտահրավերներին ու սպառնալիքներին դիմակայելու մեխանիզմների կատարելագործման հարցերը, այդ թվում տեղեկատվական անվտանգության ոլորտում, Հաղթանակի 75-ամյակի տոնակատարությունը։
ՀԱՊԿ Հավաքական անվտանգության խորհրդի նստաշրջանը տեղի կունենա Ղրղզստանի նախագահ Սոորոնբայ Ժեենբեկովի նախագահությամբ։ Կմասնակցեն Հայաստանի վարչապետ Նիկոլ Փաշինյանը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաեւը, ՌԴ նախագահ Վլադիմիր Պուտինը եւ Տաջիկստանի նախագահ Էմոմալի Ռահմոնը։
Մի շարք հարցեր, մասնավորապես՝ միջազգային եւ տարածաշրջանային անվտանգության խնդիրները, ՀԱՊԿ պատասխանատվության գոտում տիրող իրավիճակը, խորհրդի անդամները կքննարկեն նեղ կազմով։ ՀԱԽ լիագումար նիստը տեղի կունենա արտաքին գործերի, պաշտպանության նախարարների եւ անվտանգության խորհուրդների քարտուղարների մասնակցությամբ։
2019-2020 թվականներին Ռուսաստանը կնախագահի ՀԱՊԿ-ում։ Ակնկալվում է, որ Պուտինը կհայտարարի ՌԴ առաջնահերթությունները հաջորդ միջնստաշրջանայն փուլի համար։ Օրակարգում ներառված է 17 հարց։
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին