Ֆրանսիացի ֆերմերները տրակտորներով դուրս են եկել Ելիսեյան դաշտեր

Ֆերմերների ցույցի մասնակիցները, որոնք տրակտորներով եկել են Ֆրանսիայի մայրաքաղաք, չորեքշաբթի երեկոյան ժամանակավորապես փակել են երթեւեկությունը Ելիսեյան դաշտերում։ Չնայած Հողագործների արհմիությունների ազգային ֆեդերացիայի (FNSEA) կոչերին՝ ցուցարարների մի մասը մինչեւ ուշ երեկո շարունակել է փակել փարիզյան ճանապարհները, տեղեկացնում է ՏԱՍՍ-ը։

Կադրերի համաձայն, որոնք կայքերում տեղադրում են ականատեսները, մի քանի տրակտորներ լայնակի փակել են գլխավոր առեւտրային փողոցը՝ վթարային ազդանշանները միացրած։ Նրանց շուրջ կանգնած են մի քանի պարեկային մեքենաներ, իսկ ոստիկանները փորձում են մաքրել ճանապարհը։ Ժամը մոտ 21.30-ին երթեւեկը վերականգնվեց։

Միեւնույն ժամանակ, տրակտորների մի մեծ խումբ մոտավորապես ժամը 22.00-ին փակել էր Փարիզի օկրուգային ճանապարհի՝ Պերիֆերիկ զբոսայգու հատվածը քաղաքի հարավային մասում։ BFM հեռուստաալիքի կադրերի համաձայն՝ դրանք զբաղեցրել էին ճանապարհի երկու ձախ հատվածները զբոսայգու ներքին եւ արտաքին մասում։ Գիշերվան մոտ ոստիկանությանն, այնուամենայնիվ, հաջողվեց ճանապարհից հանել վերջին մեքենաները։ Մեկ օրում ճանապարհների փակմանը մասնակցել է մոտ 200 տրակտոր։