Թուրքիան բարդ գործընկեր է, բայց նրան պետք է պահել ՆԱՏՕ-ում. Մերկել
ԵՄ-ը չի կարող ապահովել սեփական անվտանգությունն առանց ՆԱՏՕ-ի, Գերմանիայի շահերից է բխում դաշինքի պահպանումը։ Այս մասին չորեքշաբթի ասել է Գերմանիայի կանցլեր Անգելա Մերկելը՝ ելույթ ունենալով Բունդեսթագում, տեղեկացնում է ՏԱՍՍ-ը։
«ՆԱՏՕ պահպանումը բխում է մեր շահերից»,- ասել է նա։ «Եվրոպան ներկայում չի կարող միայնակ պաշտպանել իրեն»,- փաստել է Մերկելը։ Այս առնչությամբ, նրա կարծիքով, ճիշտ է, որ Գերմանիայի իշխանություններն աշխատում են ի բարօրություն դաշինքի եւ ավելի մեծ պատասխանատվություն են վերցնում ՆԱՏՕ շրջանակում»։
Կանցլերն ընդգծել է, որ Բեռլինը պետք է հոգա դաշինքի միասնության պահպանման մաիսն։ «Այո, Թուրքիան բարդ գործընկեր է, բայց այն պետք է պահել ՆԱՏՕ-ում արդեն ոչ միայն աշխարհառազմավարական պատճառներով»,- ասել է Մերկելը։
Կանցլերը հաստատել է Գերմանիայի իշխանությունների մտադրությունը՝ բարձրացնել պաշտպանական ծախսերը։ Նա ակնկալում է պաշտպանական բյուջեի ավելացում ՀՆԱ 1,5 տոկոսի չափով մինչեւ 2024 թվականը եւ 2 տոկոս՝ 2030-ականների սկզբին։
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին