Լինգարդ․ «Մանչեսթեր Սիթին», «Լիվերպուլն» ու «Էվերտոնը» ցանկանում էին պայմանագիր կնքել ինձ հետ

Անգլիական «Մանչեսթեր Յունայթեդի» անգլիացի կիսապաշտպան Ջեսի Լինգարդը պատմել է, թե ինչպես է ընտրել ակումբը։

«Ինձնից էր կախված, թե որ ակումբն ընտրեմ։ Ես որոշեցի, որ ինձ համար ավելի լավ կլինի հանդես գալ «Մանչեսթեր Յունայթեդում»։

«Մանչեսթեր Սիթին», «Լիվերպուլն» ու «Էվերտոնը» ցանկանում էին պայմանագիր կնքել ինձ հետ, բայց ես գիտեի, որ իմ տունը «Մանչեսթեր Յունայթեդն» է։ Ես լուսանկար ունեմ «Յունայթեդի» խաղաշապիկով մեկ տարեկանում։ Երբ յոթ տարեկան էի ինձ փորձել են այս ակումբի մանկական թիմում, իսկ պայմանագիր կնքել եմ 9 տարեկանում»,- Լինգարդի խոսքը մեջբերում է մանչեսթերյան ակումբի մամուլի ծառայությունը։

26-ամյա Լինգարդը «Մանչեսթեր Յունայթեդում» է 2000 թվականից։