Տվերի մարզում երկու դպրոցական սառույցի տակ են հայտնվել

ՌԴ Տվերի մարզում երկրորդ դասարանցի երկու երեխա գնացել է լիճ՝ զբոսանքի և սառույցի տակ հայտնվել, ինչի հետևանքով երեխաներից մեկը մահացել է, գրում է «РИА Новости»-ն։

Ողբերգությունը տեղի է ունեցել նոյեմբերի 24-ին Տորոպեց քաղաքում։

Ըստ Քննչական կոմիտեի տեղեկատվության՝ երեխաները խաղով են տարվել և չեն նկատել՝ ինչպես են ընկել ջուրը։ Երեխաներից մեկին փրկել է մոտակայքում գտնվող ձկնորսը, սակայն մյուս տղայի կյանքը փրկել չի հաջողվել։

8-ամյա երեխայի մահվան գործով հետաքննություն է ընթանում։ Մահվան հանգամանքները պարզելու համար դատաբժշկական փորձաքննություն կանցկացվի։