Ճապոնական հյուրանոցն առաջարկում է 1 եվրոյով համար՝ գաղտնիության դիմաց

Ճապոնական հյուրանոցներից մեկում հնարավոր է մեկ գիշերվա համար վճարել ընդամենը 1 եվրո: Բայց որպեսզի մարդիկ ստանան էժան համար, պետք է համաձայնվեն իրենց կյանքն ուղիղ եթերով հեռարձակելու պայմանին: Վեստի.ռու-ի հաղորդմամբ, հյուրանոցում կարող է ցանկացած մարդ մնալ: Բայց գրեթե անվճար մնալու հնարավորություն նա կստանա անձնական կյանքը հանրայնացնելու դեպքում. համարում տեղի ունեցող ամեն ինչ պետք է հեռարձակվի յութուբյան ալիքով: Կարելի է դիտել նաև ձայնագրված տեսագրությունների միջոցով:

Համարում չի կարելի հագուստը փոխել կամ մերկանալ, դրա համար կա առանձին տարածք առանց տեսախցիկի: Տեսախցիկ չկա նաև զուգարանում: Հեռարձակումն առանց ձայնի է:

10 ժամ տևողությամբ ամենահայտնի տեսագրությունն արդեն ունի 70 հազարից ավելի դիտում: