Վլադիմիր Պուտինը պատրաստվում է հեռանալ պաշտոնից 2024 թվականին

ՌԴ նախագահի աշխատակազմի նախկին ղեկավար Վալենտին Յումաշևը ենթադրում է, որ նախագահ Վլադիմիր Պուտինը պատրաստվում է հեռանալ պաշտոնից 2024 թվականին:

«Ես կարծում եմ, որ եթե այսօր հարցնեք Վլադիմիր Պուտինից, նա 99 տոկոս վստահությամբ կասի, որ 2024 թվականին կհեռանա պաշտոնից»,- Ինտերֆաքսի հաղորդմամբ՝ ասել է նա Վլադիմիր Պոզներին տված հարցազրույցում:

Յումաշևի կարծիքով, Պուտինը նախապես չէր ծրագրել այդքան երկար մնալ իշխանության:
«Ես դրանում վստահ եմ 100 տոկոս: Պուտինը երբ 1999 թվական դեկտեմբերի 31-ին եկավ, նա վստահ էր, տա Աստված, մեկ ժամկետ, իսկ եթե երկու, ապա աշխարհում կլինի ամենաերջանիկ մարդը, որ երկու ժամկետ ղեկավարելուց հետո վերջապես կհանգստանա, ինչպես և ուզում էր: Նա, իհարկե, չէր պատրաստվում երկիրը ղեկավարել 19 տարի»,- ասել է Վ.Յումաշևը: