Մեծ Բրիտանիան լքում է Եվրամիությունը հսկա քայլերով

Մեծ Բրիտանիայում, արտահերթ ընտրություններից առաջ պահպանողականները, ըստ սոցհարցումների 19 կետով առաջ են իրենց հիմնական մրցակից լեյբորիստներից: Հիշեցնենք, որ արտահերթ ընտրությունները կայանալու են դեկլտեմբերի 12-ին:  

Հարցման մասնակիցների 47 տոկոսը նշել են, որ պատրաստվում են քվեարկել կառավարող պահպանողականների օգտին, որոնք հանդես են գալիս Մեծ Բրիտանիան Եվրամիությունից դուրս բերելու օգտին: Լեյբորիստների օգտին պատրաստ են քվեարկել ընդամենը 28 տոկոսը:

Լիբերալ դեմոկրատների վարկանիշը 12 տոկոս է, իսկ Բրեքսիտ անվանումով կուսակցությանը՝ երեք տոկոս:

Ի դեպ, որքան մոտենում են ընտրությունները, այնքան աճում է պահպանողականների առավելությունը: Ընդամենը մեկ շաբաթ առաջ պահպանողականների եւ լեյբորիստների միջեւ տարբերությունը 16 կետ էր, իսկ հիմա արդեն՝ 19:

Վարչապետ Բորիս Ջոնսոնը վստահ է, որ արտահերթ ընտրությունները կօգնեն վերջնականապես լուծել բրեքսիթի հարցը եւ երկիրն առանց ցնցումների դուրս բերել Եվրամիությունից:

Top-News.am