Կենդանիների պաշտպանը դանակով հարվածել է երեխաների հետ եկեղեցի եկած մորթե հագուստով կնոջը

ԱՄՆ-ում կենդանիների պաշտպանը հարձակվել է երեխաների հետ եկեղեցի եկած մորթե հագուստով կնոջ վրա` դանակի մի քանի հարված հասցնելով նրան: Նա վնասել է կնոջ որովայնն ու ձեռքերը: Այս մասին հայտնում է Gazeta.ru-ն` հղում անելով Metro-ին:

Կենդանիների պաշտպանը մտածել է, թե կինը կրում է բնական մորթուց հագուստ: Կնոջը, որը պարզվել է երեխաների դայակն է, տեղափոխել են հիվանդանոց:

Ոստիկանության տվյալներով` կենդանիների պաշտպանը նախկինում էլ նման արարքներ է թույլ տվել: Մասնավորապես, 2018 թվականին նա հարձակվել է մեկ այլ կնոջ որը, որը նույնպես մորթե հագուստ է կրել, սակայն դանակի հարվածը վնասել է միայն կնոջ հագուստը:

2012 թվականին մարտին կենդանիների պաշտպանը ֆեյսբուքյան իր էջում գրառում էր կատարել, որում նշել էր, թե ցանկանում է մարդասպան վարձել, որը կսպանի բնական մորթուց հագուստ կրող յուրաքանչյուր անձնավորության: Ոստիկանությունը նրան այդ ժամանակ ձերբակալել էր: