Victoria’s Secret-ը չեղարկել է իր այս տարվա շոուն

Ամերիկյան L Brands ընկերությունը, որին պատկանում է ներքնազգեստի Victoria's Secret բրենդը, հայտարարել է 2019 թվականին Victoria's Secret Fashion Show շոուի չեղարկման մասին, գրում է Fortune-ը:

Ընկերությունը շոուի չեղարկումը պարզաբանել է բրենդի իմիջի բարելավման անհրաժեշտությամբ:

Victoria's Secret Fashion Show-ն անցկացվել է շուրջ 25 տարի՝ 1995-ից ի վեր: Նախորդ տարի բրենդն ամենացածր ցուցանիշներն է ունեցել իր գոյության ամբողջ պատմության ընթացքում:

Նախօրեին ընկերությունը հրապարակել է 2019-ի երրորդ եռամսյակի ֆինանսական հաշվետվությունը: Հուլիս-սեպտեմբեր ամիսներին Victoria’s Secret-ի վաճառքի ցուցանիշները 2018-ի նույն ժամանակահատվածի ցուցանիշների համեմատ 7 տոկոսով անկում են գրանցել: