Թուրքիան պետք է դադարի շանտաժի ենթարկել Եվրոպային, եթե ուզում է ԵՄ-ից օգնություն ստանալ․ հույն նախարար
Թուրքիան պետք է դադարի շանտաժի ենթարկել Եվրոպային, եթե ուզում է ԵՄ-ից օգնություն ստանալ, AFP-ին տված հարցազրույցում հայտարարել է Հունաստանի միգրացիայի հարցերով նախարար Գիորգոս Կումուտսակոսը։
Նա անհանգստություն է հայտնել՝ կապված Ռեջեփ Թայիփ Էրդողանի եւ Թուրքիայի այլ պաշտոնատար անձանց այն սպառնալիքների հետ, թե «կբացեն փախստականների համար դարպասները» դեպի Եվրոպա, եթե նա ավելի մեծ աջակցություն չցուցաբերի։
Կումուտսակոսի խոսքերով, երբ Թուրքիան «շարունակում է կրկնել, որ մտադիր է բացել դարպասները փախստականների համար, նրանք մոտենում են դրանց՝ սպասելով բացվելուն»։ Ընդ որում, նա նշել է, որ 240 տոկոսով ավելացել է հունական ափերի մոտ եկած միգրանտների թիվը։
Նախարարն ասել է, թե Հունաստանն, այնուամենայնիվ, ուզում է, որ Եվրապական միությունը «դրականորեն ուսումնասիրի» 2016թ․ 6 մլրդ դոլարից բացի, այլ օգնություն տրամադրելու Թուրքիայի խնդրանքը։ «Սակայն այն փաստը, որ Թուրքիան այդ փողերը շանտաժով կամ սպառնալիքներով է ուզում, չի նպաստում ԵՄ-ում անհրաժեշտ քաղաքական կլիմային, որպեսզի փողերի տրամադրման հարցը լուծվի»,- ասել է նա։
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին