Հետո էլ ասում են ֆուտբոլային մաֆիա չկա. Մոուրինիոն Տոտենհեմի մարզիչ

Պորտուգալացի մասնագետ Ժոզե Մոուրինիոն պաշտոնապես նշանակվել է «Տոտենհեմի» գլխավոր մարզչի պաշտոնում: Այս մասին հայտնում է լոնդոնյան ակումբի պաշտոնական կայքը:

Իսկ ոմանք պնդում են, թե ֆուտբոլային մաֆիա գոյություն չունի: Դե եթե չունի, ապա բացատրեք, թե ինչու որոշում կայացվեց անգլիական ակումբի ղեկին նշանակել մեկին, որը վերջին տարիներին ձախողվել է բոլոր այն ակումբներում, որտեղ աշխատել է:

Լավ, ինչո՞ւ Մոուրինիոն չհայտնվեց կարգով շատ ավելի ցածր թիմում: Ստացվում է կա մի ազդեցիկ խումբ, որն էլ որոշում է կայացնում, թե ովքեր են էլիտ մարզիչները, իսկ ովքեր պետք է սեւագործ աշխատանք իրականացնեն տարբեր ակումբներում՝ գրանդների համար հայտնաբերելով կամ ստեղծելով տաղանդներ:

Երեկ` նոյեմբերի 19-ին,«Տոտենհեմի» գլխավոր մարզչի պաշտոնից հեռացվեց Մաուրիսիո Պոչետինոն, որը 2014 թվականից էր գլխավորում լոնդոնյան թիմը: Անմիջապես հայտնի դարձավ, որ Մոուրինիոն կփոխարինի արգենտինացուն:

Top-News.am