Սկանդալային Մարա Բաղդասարյանի ընկերը ոստիկանություն է դիմել

Սկանդալային պատմություններով հայտնի ավտոարշավորդ Մարա Բաղդասարյանի ընկերը՝ Դենիս Կավտարաշվիլին, դիմել է ոստիկանություն ՝ հայտարարելով, որ Ռուբլյովկայում գտնվող տյունինգ-սրահից ինչ-որ մեկը առեւանգել է իր BMW M4 coupe ավտոմեքենան: Այս մասին հայտնում է Life.ru-ն։

Երիտասարդը հայտնի է դարձել Մարայի հետ հերթական սկանդալային պատմությունից հետո։ 2017թ-ին նա տոնում էր իր վերադարձը մեկուսարանից, որտեղ նա անցկացրել է 15 օր, ընկերների հետ՝ Նոր Արբատում: Կիսվելով տպավորություններով ՝ նա շտապել է վերադառնալ իր սովորական հոբբիին՝ գիշերային «մահափորձերին»։ Եվ արդեն կեսգիշերին մոտ Mercedes-Benz-ով կազմակերպած մրցավազքի ժամանակ անցնում է կարմիր լույսի տակով։ Երբ ոստիկանները արգելափակել են օրինախախտների մեքենան եւ մոտեցել նրան, ղեկին եղել է Դենիս Կավտարաշվիլին, Մարան նստած է եղել կողքի նստատեղին։

Դրանից մեկ տարի առաջ Դենիս դարձավ եւս մեկ քրեական գործի առանցքային մասնակից: Փողոցային մրցարշավորդին եւ նրա ընկերոջը մեղադրել են բռնաբարության մեջ։

Երիտասարդը այժմ գտնվում է քննչական մեկուսարանում, որտեղից էլ դիմել է ոստիկանություն։ Նա քրեական գործով մեղադրյալ է և սպասում է դատարանի որոշմանը։

Ստուգումից հետո ոստիկանները պարզել են, որ մեքենան տանից վերցրել է երիտասարդի աղջիկը։ Մեքենան գրանցված է Թաթարստանում։