Չար կատակ. Սան Ֆրանցիսկոյում դիզայները փորձի շրջանակում քաղաքով մեկ Apple-ի ականջակալների սթիքերներ է շաղ տվել

Ամերիկյան Սան Ֆրանցիսկո քաղաքից արտ-տնօրեն Պաբլո Ռոշան հայտնի է իր դաժան կատակներով: 2016 թվականին նա տարօրինակ լուսանկարներով պաստառներ էր կախել քաղաքով մեկ, որոնք իբր արված են iPhone 6-ով (Apple ընկերության իրական գովազդի նմանակում):

Սակայն այս նոյեմբերին դիզայների հորինած կատակը կարող է ամենադաժաններից մեկը համարվել: Դիզայները Apple-ի AirPods անլար ականջակալների պատկերներով սթիքերներ է տպել և ցփնել դրանք Սան Ֆրանցիսկոյի փողոցներով մեկ: Կատարված աշխատանքի արդյունքները Ռոշան հրապարակել է Instagram-ում:

Հեռվից սթիքերն իրապես դժվար է եղել տարբերել իրական AirPods-ից: Շատ անցորդներ խաբվել են և կռացել` «ականջակալը» վերցնելու:

Հրապարակմանը կից մեկնաբանություններում օգտատերերը հիացմունք են հայտնել դիզայների հնարամտության առնչությամբ: Արտ-տնօրենին կոչում են չար հանճար կամ չար կատակների թագավոր: