Թուրքիայի պահվածքը լուրջ մտահոգություն է առաջացնում. ԿՀՎ նախկին ղեկավար
Թուրքիայի պահվածքը լուրջ մտահոգություն է առաջացնում: Այս մասին հայտարարել է ԿՀՎ նախկին ղեկավար Դեւիդ Պետրեուսը: Սակայն նա նախկինի պես կարծում է, որ Վաշինգտոնը որպես դաշնակից Անկարայի կարիքն ունի եւ պետք է ջանքեր գործադրի լարված հարաբերությունները հարթելու համար:
Պատասխանելով հարցին, թե ինչպես է վերաբերվում վերջին շրջանում Թուրքիայի կառավարության արտաքին քաղաքականությանը, նա պատասխանել է. «Դա խորին մտահոգություն է առաջացնում, եւ մենք պետք է անկեղծ լինենք մեր թուրք դաշնակիցների հետ: ԱՄՆ-ի եւ Թուրքիայի հարաբերություններում բարդ ժամանակներ են, սակայն երկու երկրները ՆԱՏՕ-ի գործընկերներ են»,- ասել է Պետրեուսը, հաղորդում է CNBC-ը:
«Թուրքիայի կողմից ռուսական հակաօդային պաշտպանական համակարգերի գնումը, որը Թուրքիային թույլ չի տա ամերիկյան F-35 կործանիչներ գնել, չի ողջունվում»,- հավելել է նա:
Նրա խոսքով՝ Թուրքիան «ՆԱՏՕ-ի համար ռազմավարապես շատ կարեւոր երկիր է»:
Նա նաեւ անդրադարձել է Սիրիայի հյուսիս-արեւելք Թուրքիայի ներխուժման հարցին, որը քննդատել են ամերիկացի օրենսդիրներն ու անվտանգության փորձագետները:
Պետրեուսը նշել է, որ ԱՄՆ ներկայիս առաքելությունը «Իսլամական պետության» պարտությանը հասնելն է: Նա նաեւ նշել է Սիրիայում Թուրքիայի բուֆերային գոտու հստակ տարանջատման անհրաժեշտությունը, որպեսզի «ԱՄՆ-ը որոշի, թե որտեղ պետք է տեղակայվեն իր ուժերը՝ սիրիացի քրդերին պաշտպանելու համար»:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին