Քննչական մարմինները զբաղվում են Արմավիրոում հայկական եկեղեցու տարածքում տեղի ունեցած միջադեպով
Ռուսաստանի քննչական մարմինները զբաղվում են Արմավիրոում հայկական եկեղեցու տարածքում տեղի ունեցած միջադեպով։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նախօրեին ՌԴ-ում Հայաստանի դեսպանությունը հանդես էր եկել հայտարարությամբ՝ կապված Արմավիրում հայկական եկեղեցու տարածքում տեղի ունեցած միջադեպի հետ։ Հայտարարության մեջ ասվում էր, որ «Արմավիրի (Կրասնոդարի մարզ) քաղաքային Դումայի պատգամավոր Ա․ Վինոգրադովի գործողությունները մեր կողմից գնահատվում են որպես Հայ առաքելական եկեղեցու տարածքում վանդալիզմի ակտ եւ կամայականության դրսեւորում, ինչը հակասում է սահմանված օրինական կարգին։ Այդ գործողությունները չեն համապատասխանում հայ-ռուսական փոխհարաբերությունների ոգուն եւ կարող են հանգեցնել ազգամիջյան լարվածության»։
Հիշեցնենք, որ Արմավիրի քաղաքային Դումայի պատգամավոր Ալեքսեյ Վինոգրադովը ներկել էր հայկական եկեղեցու տարածքում գտնվող հայ ռազմական-քաղաքական գործիչ Գարեգին Նժդեհի հուշատախտակը։ Վինոգրադովի խոսքերով, նոյեմբերի 11-ին լրացել է այն ժամկետը, որի ընթացքում քաղաքային իշխանությունները խոստացել էին ապամոնտաժել հուշատախտակը, սակայն չեն արել, եւ ինքը «հարցը ինքնուրույն է լուծել»։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Ամբերդ ամրոց և Քարի լիճ տանող ավտոճանապարհները փակ են