Հայաստան-Ջիբրալթար 4-0. Վարդան Թովմասյանի շքեղ տուգանայինը 35 մետրից (տեսանյութ)

Մ 15 տարեկանների ֆուտբոլի Հայաստանի ազգային հավաքականը 4:0 հաշվով այսօր վստահ հաղթանակ է տարել Ջիբրալթարի հավաքականի նկատմամբ: Մոտ 35 մետրից կատարած շքեղ տուգանային հարվածով այս խաղում ևս հաշիվը բացել և Հայաստանի հավաքականին առաջ է մղել Վարդան Թովմասյանը:

Մեկական գնդակ իրենց հաշվին գրանցել են Ռոնալդ Մելքումյանը, Ալեն Ղալթախչյանը և Դավիթ Մկրտչյանը:

Բելառուսի մայրաքաղաք Մինսկում անցկացվող ՈՒԵՖԱ-ի զարգացման միջազգային մրցաշարում Մ 15 տարեկանների մեր հավաքականը առաջին խաղում ոչ ոքի էր խաղացել Հունգարիայի հավաքականի դեմ, ապա հաղթել Բելառուսի իրենց տարեկիցներին: Հայաստանի Մ 15 տարեկանների հավաքականը 7 միավորով այս պահին գլխավորում է ՈՒԵՖԱ-ի զարգացման միջազգային մրցաշարը: Մրցաշարի հաղթող հավաքականի անունը հայտնի կդառնա Բելառուսի և Հունգարիայի միջև ընթացող հանդիպման ելքով պայմանավորված:

Հիշեցնենք, որ Մ 15 տարեկանների ֆուտբոլի Հայաստանի հավաքականի առաջատար Վարդան Թովմասյանը ՍԴ նախագահ Հրայր Թովմասյանի որդին է: