Լուկաշենկոն վերջին 3 տարվա ընթացքում առաջին անգամ Եվրամիության անդամ երկիր կայցելի

Բելառուսի նախագահ Ալեքսանդր Լուկաշենկոն 2016 թվականից ի վեր առաջին անգամ Եվրամիության անդամ երկիր կայցելի. Լուկաշենկոն կայցելի Ավստրիա, գրում է РИА Новости-ն:

Երկար ժամանակ Լուկաշենկոյի այցը Եվրամիության անդամ երկրներ անհնարին է եղել նրա դեմ սահմանված պատժամիջոցների պատճառով:

Այնուամենայնիվ, Եվրամիության հետ հարաբերությունների ջերմացման ֆոնին, որի պատճառը, ըստ գործակալության, նաև Ուկրաինայի արևելքում կոնֆլիկտի վերաբերյալ Մինսկի դիրքորոշումն է, Բրյուսելը չեղարկել է Բելառուսի և անձամբ Լուկաշենկոյի դեմ կիրառվող գրեթե բոլոր պատժամիջոցները:

Պատժամիջոցների չեղարկումից հետո մի քանի անգամ Լուկաշենկոյին հրավիրել են Եվրամիության անդամ երկրներ, սակայն այցն այդպես էլ տեղի չի ունեցել:

Բելառուսի նախագահի այցն Ավստրիա տեղի կունենա նոյեմբերի 11-12-ը: Բելառուսի և Ավստրիայի միջև դիավանգիտական հարաբերությունները հաստատվել են 1992 թվականին: Բելառուսի դեսպանատունն Ավստրիայում իր աշխատանքները սկսել է 1993 թվականին, իսկ ավստրիական դիվանագիտական առաքելությունը Բելառուսում բացվել է 2016 թվականին: