Իլոն Մասկը գովել է Ալեքսիս Օհանյանի Reddit ցանցը

Ամերիկացի միլիարդատեր Իլոն Մասկը հայտարարել է, թե կասկածում է` Twitter միկրոբլոգային ցանցն արդյունավետ է և խոստացել է լքել այդ հարթակը։ Այդ մասին նա հայտնել է հենց իր թվիթերյան էջում։

Հակառակ Twitter-ի, ինչպես նշել է միլիարդատերը, Reddit ցանցը շարունակում է մնալ բարձունքում։ Reddit-ի հիմնադիրը, հիշեցնենք, ամերիկահայ գործարար Ալեքսիս Օհանյանն է, որը հոկտեմբերին Երևանում էր՝ WCIT համաժողովին մասնակցելու համար։

Ինչ վերաբերում է Մասկի գրառմանը, ապա գործարարը հայտնի էր սոցցանցերի նկատմամբ իր հոռետեսական տրամադրվածությամբ։ Նա հատկապես շատ է քննադատել Facebook-ը ու նույնիսկ արշավ է սկսել խորոշագույն սոցցանցի դեմ, երբ վերջինս փորձում էր իր համակարգերի մեջ ներդնել արհեստական բանականություն։