Ֆրանսիային է մոտենում «Ամելի» փոթորիկը

«Մետեո Ֆրանս» ազգային մետեորոլոգիական ծառայությունը Ֆրանսիայի արեւմուտքում 3 դեպարտամենտներում «Ամելի» փոթորկի մոտենալու կապակցությամբ եղանակային վտանգավորության ամենավերջին՝ նարնջագույն մակարդակ է հայտարարել, հաղորդում է ՏԱՍՍ-ը:

«Ամելի» փոթորիկը այս գիշեր կմոտենա ատլանտյան ափին եւ կուղեկցվի ուգժին քամիներով՝ ասվում է նախազգուշացման մեջ:

Ակնկալվում է, որ 01:00-ից Վանդեյա, Ծովամերձ Շարանտա եւ Ժիրոնդա դեպարտամենտների տարածքում քամու ուժգնությունը կհասնի 30-36 մ/վ եւ 27-30 մ/վ առանձին հատվածներում: Հարեւան Դե-Սեւր, Շարանտա, Լանդեր եւ Վերին Վիեննա դեպարտամենտներում հայտարարվել է եղանակային վտանգավորության դեղին մակարդակ, քամու ուժգնությունը՝ 25-27 մ/վ:

Մոտակա 36 ժամվա ընթացքում բոլոր նշված դեպարտամենտներում սպասվում են 30-50 մմ տեղումներ: Ակնկալվում է, որ իրավիճակը կբարելավվի կիրակի ժամը 06:00-ից: