Հոնկոնգում ոստիկանությունը ցուցարարներին ցրելու ժամանակ արցունքաբեր գազ է կիրառվել
Հոնկոնգի ոստիկանությունը արցունքաբեր գազ է կիրառել ցուցարարներին ցրելու համար, որոնք այսօր փողոց են դուրս եկել՝ հակակառավարական ցույցերի, հաղորդում է RTHK հեռուստաընկերությունը։
Աղբյուրի հաղորդմամբ՝ այսօր հարյուրավոր ցուցարարներ հավաքվել են Ցիմ Շա Ցույ առափնյա շրջանում Տիեզերքի թանգարանի շենքի մոտ․ ցույցի մեկնարկից կես ժամ անց դեպքի վայր է ժամանել ոստիկանությունը:
Հաղորդվում է, որ ցուցարարները ոստիկանների վրա տարբեր առարկաներ են նետել և նրանց հասցեին հայհոյանքներ հնչեցրել։ Ի պատասխան՝ ոստիկանությունը մահակներ և արցունքաբեր գազ է կիրառել։ Նշվում է, որ ոստիկանությունը, հնարավոր է, նաև պղպեղային գազ է կիրառել ցուցարարների դեմ։
Բողոքի զանգվածային ցույցերը Հոնկոնգում սկսվել էին հունիսի սկզբին՝ արտահանձնման մասին օրենքում փոփոխություններ մտցնելու իշխանությունների որոշման պատճառով: Եթե փոփոխություններն ընդունվեն, ապա դա թույլ կտա Հոնկոնգին կասկածյալներին հանձնել Չինաստանի մայրցամաքային հատվածին, Թայվանին, Մակաոյին, որոնց հետ շրջանը չունի արտահանձնման մասին համաձայնագրեր:
Օրինագծի հակառակորդները մտահոգված են, որ օրենքում հնարավոր փոփոխությունները թույլ կտան Չինաստանի մայրցամաքային հատվածին հանձնել ոչ միայն կոռումպացված չինացի չինովնիկներին, այլև պաշտոնական Պեկինի վարած քաղաքականությանը դեմ ակտիվիստներին: Օրենքի ընդունումը ժամանակավորապես կասեցվել է Հոնկոնգի իշխանությունների կողմից:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են