Բելառուսում 8 ամսական երեխային դաժանորեն սպանած մարդուն գնդակահարություն է նշանակվել

Բելառուսի Բրեստի մարզի մարզային դատարանը հրապարակել է Լունինեց քաղաքում 8 ամսական երեխայի դաժան սպանության գործով վճիռը, հայտնում է belta.by-ն:

Սպանությունը տեղի էր ունեցել անցյալ տարվա աշնանը: Մեղադրյալները երեխայի 26-ամյա մայրն ու նրա 48-ամյա ծանոթն էին: Դատարանը նրանց մեղավոր է ճանաչել առաջադրված մեղադրանքների բոլոր կետերով: Մարդասպան մորը դատապարտել են 25 տարվա ազատազրկման՝ ընդհանուր ռեժիմի ուղղիչ գաղութում պատիժը կրելով, տղամարդուն նշանակվել է մահապատիժ՝ գնդակահարություն:

Վճիռն ուժի մեջ չի մտել, այն կարող է բողոքարկվել:

Ողբերգությունը տեղի էր ունեցել 2018 թվականի հոկտեմբերի 27-ին: Քննության տվյալների համաձայն՝ Լունինեց քաղաքի 28-ամյա բնակիչը, տուն վերադառնալով, իր մեկ տարեկանը չբոլորած դստերը դաժանորեն սպանված էր հայտնաբերել: Այդ ժամանակ տանն էին եղել նրա կինն ու ընտանիքի ծանոթը, որոնք հարբած են եղել: