Բժիշկները կես օր փնտրել են մագնիսառեզոնանսային տոմոգրաֆիայի սարքի մեջ մոռացված ծեր հիվանդին
Բուլղարիայում բժիշկները կորցրել էին ծեր հիվանդին, որին փնտրել են կես օր: Այս մասին տեղեկացնում է iz.ru կայքը:
Կնոջը հիվանդանոց էին տեղափոխել թոքաբորբով: Երբ նրա մոտ տեսակցության է եկել դուստրը՝ Ստեֆկա Սաբինովան, մորը չի գտել պալատում: Երբ նա սկսել է հետաքրքրվել, հիվանդանոցի աշխատակիցներից ոչ ոք չի իմացել նրա տեղը:
«Նրանք ենթադրում էին, թե այն ախտորոշումը, որը նրան տվել են, վախեցրել է ծեր կնոջը, և նա փախել է հիվանդանոցից»,- նշել է Ստեֆկան:
Թոշակառուին փնտրել են 6 ժամ և կարողացել են գտնել փակ սենյակում, որտեղ դրված է եղել մագնիսառեզոնանսային տոմոգրաֆիայի սարքը:
«Ես ձայն լսեցի միջանցքում, հետո լույսը վառվեց, և ես սկսեցի բղավել»,- պատմել է թոշակառու Ասենկա Խրիստովան:
Պարզվել է, որ բժշկի օգնականը կնոջը մտցրել է մագնիսառեզոնանսային սարքի մեջ՝ հետազոտության համար, հետո մոռացել է հիվանդի մասին և հեռացել:
Կնոջն արդեն տեղափոխել են այլ կլինիկա: Հարազատները մտադրված են դատական հայց ներկայացնել հիվանդանոցի անձնակազմի և ղեկավարության դեմ՝ հիվանդի նկատմամբ նման անպատասխանատու վերաբերմունքի համար:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են