«Երազանքների աշխատանք»՝ կինո նայել եւ փող ստանալ

Reviews.org-կայքն առաջարկում է «երազանքների աշխատանք», որի շնորհիվ կարելի է 30 օրում 1000 դոլար աշխատել։ Դրա համար անհրաժեշտ է դիտել Disney ստուդիայի ֆիլմերը։

Reviews.org-ը հայտնել է, որ հինգ ընտրված թեկնածուներից յուրաքանչյուրը կստանա 1000 դոլար, հոսքային հեռարձակման նոր ծառայության բաժանորդագրություն եւ Disney-ի ֆիլմերի դիտման համար ծախսվող նյութերի հավաքածու, այդ թվում՝ ծածկոց, բաժակներ եւ Pixar-ի փոփ-քորն։

1000 դոլարն անմիջականորեն կփոխանցվի հաղթողների բանկային հաշիվներին։

Հայտերն ընդունվում են մինչեւ նոյեմբերի 7-ը։ Անհրաժեշտ է մրցույթի կայքում պատասխանել մի շարք հարցերի եւ ներկայացնել Disney-ի ֆիլմերի տեսությունը։