Երեխաների առեւտրով զբաղվողը դատապարտվել է ռեկորդային 374 տարվա ազատազրկման

Երեխաների առեւտրով զբաղվող թաիլանդացին դատապարտվել է ռեկորդային 374 տարվա բանտային ազատազրկման, հայտնում է Reuters-ը։

Յուտանա Կոդսապը մեղավոր է ճանաչվել պոռնոգրաֆիայի նպատակներով երեխաների առեւտրի համար։ Նա համակարգչային խաղեր խաղալու պատրվակով 7-12 տարեկան երեխաներին տարել է իր տուն, որտեղ սեքսուալ գործողություններ է արել նրանց հետ եւ տեսանյութը վաճառել է չատի հավելվածում, հայտնում է ոստիկանությունը։

Թաիլանդի հարավային Պխանգ Նգա շրջանի դատարանը նրան 374 տարվա բանտային ազատազրկման է դատապարտել եւ հարկադրել է որպես փոխհատուցում 800 000 բատ (26 000 դոլար) վճարել հինգ զոհերից յուրաքանչյուրին։

Անցյալ տարի քրեական դատարանը անառակության համար երեխաներ վաճառելու մեղադրանքով 309-ական տարվա ազատազրկման էր դատապարտել երեք տղամարդու։