Եղիսաբեթ II-ը խորհրդարանում ելույթի ժամանակ հրաժարվել է թագից

Եղիսաբեթ II-ը Մեծ Բրիտանիայի խորհրդարանի բացման արարողության ժամանակ Բրիտանական կայսրության թագը չի դրել, հայտնում է Daily Mail-ը։

Թագուհին արարողությանը եկել է համապատասխան հագնված եւ բոլոր արարողակարգերը պահպանելով, սակայն առաջին անգամ նա գերադասել է մեծ թագի փոխարեն թեթեւ միապետական գլխարկ կրել։ Եղիսաբեթ II-ի ընտրությունը կանգ է առել Գեորգ IV-ի տիարայի վրա, որը ստեղծվել է 1821թ․։

Նման որոշումը պատճառ է դարձել այնպիսի խոսակցությունների, թե իբր թագուհու համար իր պատկառելի տարիքում այլեւս թագը, որ կշռում է մեկ կիլոգրամից ավելի, ծանր է։

Խորհրդարանի բացմանը Եղիսաբեթ II-ը եկել է իր որդու՝ արքայազն Չառզլի եւ նրա կնոջ՝ Կամիլայի ուղեկցությամբ։ Բրիտանական կայսրության թագը, որը թագավորական խորհրդանշաններից մեկն է, ներկա է եղել արարողությանը՝ այն բերել են դահլիճ եւ դրել սեղանին, թագուհու կողքին։