Ռուսաստանը դրական է վերաբերվում Թուրքիայի կողմից Սիրիայի Քոբանի քաղաքն ազատագրելու գաղափարին. Էրդողան
Ռուսաստանը դրական է վերաբերվում Թուրքիայի կողմից Սիրիայի Քոբանի քաղաքն ազատագրելու գաղափարին: Այս մասին Ստամբուլում մամուլի ասուլիսի ժամանակ հայտարարել է Թուրքիայի նախագահ Ռեջեփ Էրդողանը, հաղորդում է ՏԱՍՍ-ը:
«Տարբեր խոսակցություններ են պտտվում, սակայն մենք կարծում ենք, որ Քոբանիի հետ կապված խնդիրներ չեն լինի: Ռուսաստանը դրական է վերաբերվում այդ հարցին»,- պնդել է Թուրքիայի նախագահը:
Նա հավելել է, որ «Թուրքիայի զինված ուժերը այսպես կոչված սիրիական ազատագրական բանակի զինյալների համար կապահովեն անվտանգ մուտքը Մանբիջ քաղաք, որը գտնվում է «Սիրիայի ժողովրդավարական ուժեր» կոալիցիայի վերահսկողության տակ»:
«Մանբիջի հարցով մենք համաձայնագիր ունեինք ԱՄՆ-ի հետ, ըստ որի՝ 90 օրվա ընթացքում պետք է դուրս բերվեին ահաբեկիչները: Այժմ մենք իրականացնում ենք մեր սեփական որոշումը: Մանբիջը պետք է ազատագրվի գրոհայիններից: Այնտեղ կլինեն Մանբիջի իրական տերերը՝ մեր արաբ եղբայրները: Մենք կփորձենք ապահովել նրանց անվտանգությունը»,- նշել է Թուրքիայի նախագահը:
Էրդողանի խոսքով՝ Անկարան դրական է գնահատում ԱՄՆ-ի որոշումը՝ կապված Սիրիայի հարավ զորքերի տեղափոխման հետ: «ԱՄՆ-ը հավատարիմ է մնում զորքերը դուրս բերելու իր դիրքորոշմանը: Մենք կարծում ենք, որ դա դրական քայլ է»,- ասել է նա:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց