Սիրիայում Թուրքիայի հարձակման հետևանքով ավելի քան 130 000 մարդ փախստական է դարձել. ՄԱԿ

Սիրիայի հյուսիսարևելյան շրջանում բնակվող ավելի քան 130 000 մարդ ստիպված են լքել իրենց տները` թուրքական զորքերի հարձակումների պատճառով: Корреспондент-ի փոխանցմամբ՝ այս մասին հայտնում է Միացյալ ազգերի կազմակերպությունը:

Սիրիացիները հեռանում են Թել-Աբյադ և Ռաս էլ Այն սահմանամերձ քաղաքների մերձակա գյուղական շրջաններից: Այս երկու քաղաքի դեմ գրոհներ է իրականացնում թուրքական բանակը և արդեն հայտարարել է դրանք վերահսկողության տակ առնելու մասին:

Նշվում է, որ տարածաշրջանում մաքուր խմելու ջրի մատակարարման հետ կապված խնդիրներ կան, մասնավորապես՝ մի քանի ճամբարներում, որտեղ ավելի քան 82 000 փախստական է ապրում:

Տարածաշրջանում փակվել են նաև պետական և մասնավոր հիվանդանոցները: