Կուբայում երկրի ղեկավար են ընտրել՝ 40 տարում առաջին անգամ

Կուբայի պառլամենտը վերջին 40 տարում առաջին անգամ ընտրել է երկրի նախագահ։ Վերջինս Միգել Դիաս-Կանելն է, ով մինչ այդ զբաղեցնում էր Պետխորհրդի նախագահի պաշտոնը։ Փոխնախագահի պաշտոնը զբաղեցրել է Սալվադոր Վալդեսը, ով նաեւ Պետխորհրդի նախագահի տեղակալի պաշտոնն է զբաղեցնում։ Կուբայական խորհրդարանի 605 պատգամավորներից քվեարկությանը մասնակցել են 575-ը։ Ընդհանուր առմամբ առաջադրված է եղել 18 թեկնածու։ Նշենք, որ 1959 թվականի հեղափոխությունից սկսած Կուբայում նախագահական ընտրություններ տեղի չեն ունեցել։ Ավելին, 1976 թվականին նույնիսկ լուծարվել է այդ պաշտոնը, եւ երկրի ղեկավար է համարվել Պետխորհրդի նախագահը։ Կուբան կրկին նախագահական հանրապետության կառավարման համակարգին վերադարձավ 2019 թվականին՝ սահմանադրական փոփոխությունների արդյունքում։