Գերմանիան նախազգուշացրել է, որ ԵՄ-ն կրկին կարող է բախվել միգրանտների անկանոն հոսքի հետ

Գերմանիան նախազգուշացրել է, որ ԵՄ-ն կարող է կրկին բախվել միգրանտների անկանոն հոսքի, որին Եվրոպական միությունը 2015թ․ պատրաստ չէր, հայտնում է Reuters-ը։

ԵՄ նախարարները հանդիպել են, որպեսզի քննարկեն միգրացիան, քանի որ Հունաստանը կրկին դարձել է Եվրոպայի գլխավոր դարպաս այն մարդկանց համար, ովքեր փախչում են Մերձավոր Արեւելքում, Ասիայում եւ Աֆրիկայում պատերազմներից եւ աղքատությունից։

Եմ-ն մտավախություն ունի, որ կկրկնվի 2015թ․ ճգնաժամը, որը տարաձայնությունների պատճառ էր դարձել ԵՄ պետությունների միջեւ, լարվածություն առաջացրել սոցիալական պաշտպանության ծառայություններում։

Ֆինլանդիայում պատրաստված փաստաթղթի համաձայն, օգոստոսին Հունաստանը հասել է ԵՄ-ի եւ Թուրքիայի միջեւ 2016թ․ համաձայնագրից հետո ամենամսյա ժամանումների ամենաբարձր ցուցանիշին։

Թուրքիան վաղուց էր բողոքում, որ ԵՄ-ի խոստացած աջակցությունը Եվրոպա միգրանտների հոսքը զսպելու դիմաց համաչափ չէ՝ հաշվի առնելով, որ այժմ նա ընդունում է մոտ 3,5 մլն սիրիացի փախստականների։