Ֆրանսիան հայտնել է երկրում ահաբեկչության սպառնալիքի բարձր մակարդակի մասին

Ֆրանսիայի ներքին գործերի նախարար Քրիստոֆ Կաստաները France Inter ռադիոկայանի եթերում հայտարարել է, որ երկրում ահաբեկչական սպառնալիքի մակարդակը բարձր է:

«Այսօր Ֆրանսիայում ահաբեկչության սպառնալիքը մնում է բարձր, ծայրահեղ բարձր մակարդակի վրա»,- նշել է նախարարը:

Նրա խոսքերով ՝ 2013 թվականից ի վեր Ֆրանսիայում կանխվել է 59 ահաբեկչական հարձակում, 2019-ի սկզբից՝ 3:

Կաստաները նշել է, որ «արմատականացմանն առնչվող գործերի քննության շրջանակներում» գրեթե ամեն օր ձերբակալություններ են լինում: