Բրազիլիայում դատել են երկրի նախկին առաջին մեծահարուստին

Ռիո դե Ժանեյրոյի դատարանը Բրազիլիայի երբեմնի ամենահարուստ մարդուն՝ բիզնեսմեն Էյկե Բատիստային դատապարտել է 8 տարի 7 ամիս ժամկետով բանտարկության, հայտնում է Globo պարբերականը:

Էյկե Բատիստան 2018 թվականին 30 տարվա բանտարկության էր դատապարտվել կոռուպցիայի գործով, սակայն ավելի ուշ տնային կալանքի էր ենթարկվել: գոստոսին Բատիստային կրկին կալանավորել էին ֆոնդային շուկայի մանիպուլյացիայի եւ փողերի լվացման վերաբերյալ քննության շրջանակում:

Բանտային պատժից բացի, Բատիստան պետք է վճարի 28,5 մլն դոլարի տուգանք: Բիզնեսմենին մեղավոր են ճանաչել շուկայի մանիպուլյացիայի եւ OSX նավաշինական ընկերությունում իր բաժնետոմսերի վաճառքի ժամանակ փակ տեղեկությունների օգտագործման մեջ:

Forbes ամսագրի տվյալներով՝ Բատիստայի կարողությունը 2012 թվականին գնահատվում էր 30 մլրդ դոլար, այս ցուցանիշով նա Բրազիլիայում ապրող ամենահարուստ մարդն էր: