Ժակ Շիրակի հիշատակին հրդեհից հետո առաջին անգամ ղողանջել է Փարիզի Աստվածամոր տաճարի զանգը
Փարիզում այսօր վերջին հրաժեշտն են տալիս Ֆրանսիայի նախկին նախագահ Ժակ Շիրակին։
Կեսօրին նշանավոր քաղաքական գործչի հիշատակին ղողանջել է Փարիզի Աստվածամոր տաճարի ամենամեծ զանգը, այն առաջին անգամ գործադրվեց կես տարի առաջ տեղի ունեցած ավերիչ հրդեհից հետո, տեղեկացնում է ՌԻԱ «Նովոստի»-ն։
Հանգուցյալին զինվորական պատիվներ մատուցվեցին Ինվալիդների տանը, ինչից հետո Շիրակի դագաղը հասցրին Սեն Սյուլփիս տաճար։ Սգո արարողությանը ներկա են Ֆրանսիայի նախագահ Էմանուել Մակրոնը, Ֆրանսիայի նախկին նախագահներ Վալերի Ժիսկար դ՛Էսթենը, Նիկոլա Սարկոզին եւ Ֆրանսուա Օլանդը, ինչպես նաեւ այլ պետությունների տասնյակ ղեկավարներ։
Տեղի ժամանակով ժամը 15-ին երկրի բոլոր պետական հաստատություններում եւ դպրոցներում կհայտարարվի լռության րոպե։
Հուղարկավորությունը տեղի կունենա Մոնպառնաս գերեզմանատանը։ Ներկա կգտնվեն միայն Ժակ Շիրակի ամենամերձավորները։ Նախկին նախագահի մարմինը կամփոփվի դստեր՝ Լորանսի կողքին, որը մահացել է 2016-ին, տեղեկացնում է «Ինտերֆաքսը»։
Ժակ Շիրակը վախճանվել է սեպտեմբերի 26-ին 86 տարեկանում, հարազատների շրջապատում։ Ֆրանսիայի նախագահի պաշտոնը զբաղեցրել է 1995-2007 թվականներին։ 1977-1995 թվականներին եղել է Փարիզի քաղաքապետը։
ԱԺ նախագահի որոշմամբ կգումարվի ԱԺ արտահերթ նիստ
Արհեստների միջազգային 5-րդ փառատոնն այս տարի կանցկացվի Մեղրիում
Երևանի Նոր Արեշ փողոցում տուն է այրվել
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Կրեմլը պարզաբանում է ակնկալում Երևանից․ Պեսկով
Փրկարար ծառայությունն ամփոփում է անցած շաբաթը
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
ԵՄ-ն Հորդանան գետի արևմտյան ափի հրեաների դեմ պատժամիջոցներ կսահմանի